مربع الفراشة

السلام عليكم ورحمة الله  وبركاته

ورشتنا لليوم مربع الفراشة

 ان شاء الله يكون الشرح واضح

 وأي استفسارات كلموني على 

kik:_icrochet_
أو على

email: i.crochet.i@hotmail.com

 وان شاء الله أرد عليكم في أقرب فرصة :)

أتمنى ترسلون لي تطبيقاتكم للورشة

تحياتي :)

احتياجاتنا للورشة:

خيوط ملونه على ذوقكم

سنارة مناسبة للخيوط

مقص

إبرة 

 ١و٢ نبدأ باللفة السحرية، (نرتفع ثلاث سلاسل عمودين، سلسلتين(الزاوية الاولى)، ** ثلاث عواميد، سلسلتين (الزاوية الثانية) ، نكرر (**) لين تكون عندنا (سبع زوايا)، ثلاث عواميد سلسلتين ، نشبك الدور ب منزلقه في ثالث سلسله اللي بأول الدور.

٣- منزلقه ، منزلقه ، لين نوصل بوسط الزاوية الاولى (سلسلتين الدور الأول) ، نرتفع ثلاث سلاسل، عمودين ، سلسلتين، ثلاث عواميد ، الزاوية اللي وراها **(ثلاث عواميد، سلسلتين، ثلاث عواميد) نكرر (**) لين اخر الدور.

٤- منزلقه في ثالث سلسله ضروري تكون عندنا ( ثمان زوايا) كل مرة 

 ٥- نرتفع سلسله ونسوي حشو بنفس المكان **( سلسلتين، ٤عمود، غرزة بيكو، ٤عمود، سلسلتين، ( حشو في المسافه اللي بعد الزاويه)، نكرر (**) لين اخر الدور ، منزلقه على غرزة الحشو اللي بأول الدور.

-شرح لغرزة البيكو-

٦- (ملاحظه) ما نقص الخيط لين نخلص هالخطوة، مكان النقطه الزرقاء نشبكها تحت مع النقطه الزرقاء بمنزلقه، نقص الخيط ونخيطه ونخفيه داخل الشغل،

٧- هذا الشكل بعد ما شبكناه (الفراشه)

٨- الخطوة اليايه لازم ننتبه ان نشتغل بالجزء الداخلي للفراشه يكون مقابلنا 

 ٩- نشبك الخيط في (الزاوية العلوية) اللي امبينه فالصوره، نرتفع ثلاث سلاسل، ثلاث عواميد ، سلسلتين، ٤عمود، سلسله، ثلاث عواميد في المسافه اللي مبينه فالصوره،

١٠- .. ثلاث عواميد، سلسله في المسافه اللي بعدها، (الزاوية العلويه الثانيه)٤عمود، سلسلتين، ٤عمود، نكرر لين اخر الدور.

١١- منزلقه لين نوصل الزاويه، نرتفع ٣ سلاسل، ثلاث عواميد،سلسلتين،٤عمود،سلسله، ثلاث عواميد،سلسله .. نكرر نفس دور(١٠) .نشبك(في حال بنغير الخيط مانقصه)

١٢- نغير الخيط، نرتفع سلسله، حشو بنفس المكان، حشو بكل غرزة الزاوية ثلاث حشو، نكرر

 ١٣و١٤ نرجع للون اللي قبل، نرتفع سلسله، حشو بنفس المكان، حشو بكل غرزه، ثلاث حشو بالزاويه، نكرر لين اخر الدور.

١٥- هذا شكل المربع بعد ماقصينا الخيوط ونظفناهم.

١٦- لعمل جسم الفراشه: ٢٠سلسلة ، دخلت السلاسل تحت الفراشه وطلعتهم الصوب الثاني، شبكت في سابع سلسله بمنزلقه، نسوي ست سلاسل، نقص الخيط .

وبهالشكل نكون خلصنا المربع :)